काठमाडौं । तिब्र गतिका बलर जोफ्रा आर्चरले सानदार बलिङ गरेपछि पाहुना टोली इंग्ल्याण्डले दक्षिण अफ्रिकाविरुद्ध सान्त्वना जित निकालेको छ ।
आर्चरले ९.१ ओभरमा ४० रन खर्चिएर ६ विकेट लिएका थिए ।
घरेलु टोली विरुद्धको तीन खेलको एकदिवसीय सिरिजको तेस्रो खेलमा ५९ रनको जित निकालेर सिरिज क्लिन स्विप हुनबाट जोगाएको छ ।
डाईमोण्डमा भएको खेलमा पाहुना टोलीले दिएको ३ सय ४७ रनको लक्ष्य पछ्याएको घरेलु टोलीले ४३.१ ओभरमा अलआउट हुदै २ सय ८७ रन बनायो ।
घरेलु टोलीका लागि हेनरिक केल्सन र रिजा केनरिकले अर्धशतकीय ईनिङ खेलेका थिए । हेरिकले ६२ बलमा ८० रन बनाउँदा रिजाले ६१ बलमा ५२ रन बनाए ।
एडम माकरम ३९ रनमा आउट हुँदा कप्तान टेम्बा बभुमाले ३५ रन बनाए । वाईनी पार्नेलले ३४ रन बनाउँदा डेबिड मिलरले १३ रन बनाए ।
भ्रमणकारी टोलीका लागि जोफ्रा आर्चरले ९.१ ओभरमा ४० रन खर्चिएर ६ विकेट लिए । आदिल रशिदले ३ तथा क्रिस वोक्सले १ विकेट लिए ।
त्यसअघि पहिले ब्याटिङ गरेको पाहुना टोलीले ५० ओभरमा ७ विकेट गुमाएर ३ सय ४६ रन बनायो ।
पाहुना टोलीका लागि जोस बटलर र डाबिड मलानले शतकीय ईनिङ खेले ।
कप्तान बटलरले १ सय २७ बलमा ६ चौका र ७ छक्काको सहयोगमा १ सय ३१ रन बनाए । मलानले १ सय १४ बलमा ७ चौका र ६ छक्काको सहयोगमा १ सय १८ रन बनाए ।
बटलर र मलानले चौथो विकेटका लागि २ सय ३२ रनको दोहोरो शतकको साझेदारी गरे ।
मोईन अलिले २३ बलमा ४१ रनमा आउट हुँदा आदिल रशिद र साम करनले समान ११/११ रन बनाए ।
घरेलु टोलीका लागि लुङ्गी एङ्गेडीले ४ तथा मार्को यान्सनले २ विकेट लिए । सिसान्डा मङ्गलाको नाममा १ विकेट लिए ।
